AIM IN LIFE

Dan pangngai te bawkin Chawlhni hmanga rawn haw chhoh hi chuan thawh peih loh vanga inchhirru teuh chungin Didina Sumo K&B ngeia chuan hman loh hlau chung siin ka’n tho chhuak ve leh tuah tuah chu a nia…h, mahse kei iaa phak zawkin Sawmtei (of Field panna kawng ami) pawh a lo chuang ve tho a, ka insit em em phal leh ta bik lo e.

Sikul veng tlangval a zuanzan hmel aia tuanfum phian kan nghak lawk e tih loh chu tluang takin kan tlan a, kan ti ti ho kar lakah Sawmtei reuh bawk hian kan khaw High School a ka thawh laia chanchin nuihzatthlak tak tak a rawn phuh chhuak leh roh pek a (nidangah pawh a hrat reuh lutuk), hemi tuka a sawi chu Class-ah an “Aim in life” ka zawt a, pakhat chhanna in mi tihthinrimzia nui bawk bawkin a sawi a, min tihlim phianin zin kawng pawh a ti tawi narawh e, mahse…ngaihtuahna erawh a hruai peng thui ta daih mai thung a.

He thu Aim in life hi zirlaite chauh hi kan zawt teh fo a, zir ve tawh lo:- nula, tlangval, nu leh pa te pawh hi I han inzawt leh hnuhnawh teh ang u hmiang; ka rilru a hemi tuk atanga lo lian ta ber zawk mah chu AIM IN LIFE hi zirlai naupang te chauh neih bik tur em niang le??????? A ni bik lo tih thu hi zawlnei em chu ni ve lo mah ila, ka thinlungah a ri nawn ve tlut tlut ta mai a, upat vanga zahtheih tawh loh vang pawh ni chuang hran lovin kan thaikawi ve ta nawk nawk a nih hi.

AIM IN LIFE :- Zopa tawng lehlin takin han let chhin ila, ‘Aim’ chuan tum/tumna/hmachhawp etc kawk ta se la;  ‘in life’ chuan ‘kan nunah’ tih kawhtir leh ta ila, tichuan AIM IN LIFE kan tiha a kawh tum chu kan chiangtlang turah ngai ang.(Mi thenkhat anga a bawplawka thil la lovin; a tha lam hawi kan kawhtirah ngai ila)

Zirlai naupang te kan zawhna ber chu ‘Enge nih an tum/ enge zir thlen an tum,’ ti hawi zawngin kan zawt ber a, an chhanna a inang lo in a inpersan thei hle mai, tunah erawh NU leh Pa te hian ‘Enge nih kan tum le’, nu leh pa nih tawh vang hian nih tum ( Aim in Life) hi neih a tul tawh lo kan ti mai em ni? A tam zawk rilru hi chu a nih ka ring, nu ka ni tawh a, pa ka ni tawh alawm enge tun ang hunah Aim in life neih a la tul fo na tur? A dik hmel fu mai- mahse- kan khawtlanga nu leh pa rual ho hian AIM IN LIFE kan neih loh em vang hian ani lo maw- heti taka hmasawnna a awm lo tih theih hial khawpa kan khawtlang nun hian awngrawp lam a pan tial tial ni a a lanna pawh hi. Naupang, kan chawm hlawm, kan thawhchhuah hmanga lehkha kan zirtir mah Nih tum tha nei tura kan chah lawm lawm lai mek hian- keini an nu leh pa , a umami te; an umama te hian AIM IN LIFE chu kan nei zawk ber ber mah tur a ni dawn lawmni le……????? 

An entawn tur, an Idol/ an Model ni tur te’na Aim in life pawh kan neih tawh loh chuan anni zirlai naupangte chu eng thil ropui nge nih tumse tih beiseina kan neih ngam teh lul ang ni?

Nu leh Pa- te hian -  fate seilennatur ngaihtuah lek loa  zu ruihsan a, inlehkhadensana an mahni tlei tleia lo tlei seilian mai tur a fate thlahthlam hi mi kan Nih tumber ni ta mai le? Hnahhlui tilh huna khawtlang hruaitu tur leh thang leh thar zelte enkawltu tur mi hmantlak tu leh fate hrinchhuaha enkawl seilen hi nu leh pate Aim in life ni ta se la chuan beiseina eng kawlah chhiar tur a awm ngei ang le.

Thalai, pianphunga rualban lohna nei si lo, rilru lama rual ban loh tlat mai te hi mi thalai te AIM IN LIFE tur chu? Lehkhathiam kan ni emaw matric kan chuang chhuak ta lo emaw- Thalai kumthat vanglai hamng mek thalai tam tak te nitin nun hmandan ah hian AAIM IN LIFE nei mumal lo kan va tam em!!!!! Khawtlang tana chhawrnahawm, thenawmte tana inghahna tlak, naupangte tana a tha lam hawi zawnga nun entawn tlak neih a, nu leh pa, pi leh pute tana thurawn pekna tlak, hun lo kal leh zel tur atana kan khawtlang enkawlna mawhphurhna hlan ngama nun neih te hi thalai te hian kan Aim in Life tur a ni dawn lawm ni??

Chutiang bawkin Zirlai ni mek te pawh kan bang chuang lo- nu leh pa thawh chhuahsa ringin nuamsa takin lehkha kan zir a, school kan kal a- kum tawpa FAIL result hawn mai mai hi kan AIM in LIFE a ni tur a ni lo. Kan thiam thei emaw, kan thiamthei vak lo emaw – taima taka zira, PASS result neih hi zirlai tinte’n AIM in Life ah nei theuh ila, Hmasawnna ropui tak chu a ni pakhat hrim hrim tawh ang.

Political party hrang hrangte, NGO hrang hrangte pawh hian AIM IN LIFE tha leh mumal (mahni inhaivurna thinlung bawlhhlawh tel miah lo) hi kan neisa mek emaw pawh inti mahila; nguntakin I inngaihtuah chiang leh ang u; kan lo nei miah lo mai thei asin!!!!!!!!! Thil siam zinga ropui ber ama anpui ngei MIHRING a siamin kan awm a, AIM in LIFE pawh nei lo hian kan lo ransa tal pawl vel ve mai mai ang tih pawh hi hlauhawm tak a ni…….

Sawmtei teh reng chu mi va timualpho thui reuh em aw!!!!!!Mahse…pawi lo ti mai ang; heti zawnga mualpho chu mualphona duhawm ah ngai lui tlat mai teh ang.